Pakënaqësia ndaj qeverisë ka mbërthyer banorët e Mbrostarit të cilët e kanë shprehur hapur faktin se ndjehen të braktisur nga organet shtetërore.
Tri dekada të lënë në harresë, pjesëtarë të komunitetit rom që jetojnë në Mbrostar të Fierit, paralajmërojnë bojkot të zgjedhjeve lokale për shkak të mungesës së investimeve.
Problemet e këtij komuniteti janë të shumta, si mungesa e kanalizimeve të ujërave të zeza, mospastrimi i mbetjeve urbane, ndihma ekonomike apo dhe pamundësia për t`u punësuar.
Në të tilla kushte, banorët shprehen se nuk do të marrin pjesë në zgjedhjet lokale të 14 majit, si shenjë proteste ndaj bashkisë së Fierit që i ka lënë pa investime. Për shkak të kushteve të vështira të jetesës, në Mbrostar pothuajse gjysma e familjeve janë larguar nga fshati.
SYRI.net
Discussion about this post