Petrit Vasili ka publikuar sot në Facebook agjendën e Kuvendit për seancën parlamentare që do të zhvillohet këtë të hënë. Sipas Vasilit kryetaraja vepron në mënyrë diskriminuese, sepse deputetëve të opozitës iu lë vetëm 3 minuta kohë për të folur, ndërsa mazhorancës iu jep tërë kohën e duhur. Sipas tij këto janë fakte që Parlamenti është i uzurpuar na Rama dhe duhet të zhvillohen çdo ditë protesta që të çlirojmë Kuvendin.
“SKANDALI! Deputetëve të opozitës u vendosin vetëm nga1 min e gjysme e deri 3 minuta për të folur. Për te gjithë deputetet te Partisë se Lirisë janë vetëm pese minuta. Për Sali Berishën janë vetëm tre minuta. Për Belind Kelliçin vetëm tre minuta. Shikoni dokumentin e Rendit te ditës për të Hënën tek seanca plenare dhe do te kuptoni turpin e parlamentit te marre peng nga banditizmi rilindas. Lapangjozet e rilindas mashtrojnë me ore te tera ne parlament ndërsa opozitës bëjnë gjithçka ta pengojnë te thotë të vërtetat, që ju përvëlojnë. Te çlirohet Parlamenti i rrëmbyer nga Rama! Parlamenti duhet te çlirohet me çdo kusht. Ndaj të hënën ne ora 17 protesta do te jete tek Parlamenti”, shkruan ai.
Ndërsa thekson se Rama nuk mund ta blejë opozitën dhe mbështetësit e saj.
Discussion about this post