Tifozëve të Juventusit ju është sosur durimi me francezin Paul Pogba me dëmtimin e tij që duket se nuk ka fund. Mesfushori ka që në muajin gusht që është në infermieri me datën e rikthimit të tij në fushat e lojës që ende nuk dihet.
Në lidhje me temën delikate, u shpreh, sot, në konferencë për shtyp, trajneri juventin, Massimiliano Allegri. Ai ishe i qartë sa i përket rikthimit të “Oktapodit” nën urdhrat e tij dhe në gatishmëri për një ndeshje futbolli.
“Pogba nuk mund të grumbullohet, në këto momente është në infermieri. Më vjen keq ta them por është realiteti. Po punon që të kthehet në dispozicion, por nuk di të them se kur mund të kthehet. Ndoshta pas 20 ditësh, nuk e di.
Menisku i jashtëm është shumë problematik pasi derisa gjuri nuk gjen vendin e duhur, të jep shqetësime herë pas herë. Po ndiqet me kujdes.
Po punon dhe po bën maksimumin e mundshëm por për momentin nuk është në dispozicion”, tha trajneri për mediat para ndeshjes që skuadra e tij luan kundër Fiorentinës këtë të dielë.
Discussion about this post