Grushta dhe sherr masiv, ndërpritet ndeshja në Peqin

Ndeshja e javës së 12-të në Kategorinë e Dytë mes Shkumbinit dhe Delvinës është ndërprerë pas vetëm 10 minutash loje, për të mos vazhduar më.

Pas golit të miqve nga Delvina me Mustën (minuta 10), një sherr masiv ku u përfshinë futbollistët dhe stafet, pushtoi fushën. Grushtat dhe ofendimet vijuan dhe pas 20 minutash ndërprerje, ndaj arbitri Klajdi Qëndro vendosi që takimi për arsye sigurie të mos luhej më.

Kjo nuk është hera e parë që në stadiumet shqiptare ndërpriten ndeshjet për arsye sigurie, teksa në kategoritë inferiore ka pasur edhe rrezikim të jetës së futbollistëve.