Orët kalojnë dhe për të gjetur të mbijetuar nga tërmeti që ka goditur Turqinë dhe Sirinë bëhet akoma më e vështirë. Megjithatë ka kush ka arritur të rezistojë nën rrënoja për një javë duke dalë më në fund gjallë falë ndihmës së skuadrave të shpëtimit.
Një 60-vjeçare nga province e Adiyaman ka mundur të mbijetojë plot 166 orë nën rrënoja, në kushte tejet të vështira pa ushqim, ujë dhe në të ftohtë.
Dhjetëra mijëra punëtorë të shpëtimit po vazhdojnë operacionet për të gjetur të mbijetuar, pavarësisht temperaturave të ulëta që kanë rrënduar gjendjen e miliona personave që tani kanë nevojë për ndihmë.
Deri tani numri i viktimave nga kjo fatkeqësi natyrore shumë e rëndë e ka kaluar numrin e 38 mijë personave.
Discussion about this post