Ish trajneri i Romës, Juves dhe Milanit në Serinë A, Fabio Capello ka folur për mediat italiane në lidhje me futbollistin e kuqezinjve, portugezin Rafael Leao. Legjenda e stolit, deklaroi se fantazisti është shumë lojtar i mirë, megjithatë, ka theksuar se po merr këshilla të padobishme duke shtuar se mund të përfundojë si ish sulmuesi i Romës, Nicolo Zaniolo:
“Leao është gjithmonë një fenomen, nuk është ai i vitit të kaluar, por nuk mund të lihet jashtë: ai është një lojtar thelbësor për Milanin. Për momentin, ndoshta si Zaniolo, ai nuk është i këshilluar mirë sepse të dy e kanë mëndjen tjetërkund, te kontratat”.
Kështu komenton Fabio Capello në radion Anch’io Sport situatën e sulmuesit kuqezi, duke u përballur me vendimin për të ardhmen e tij. “Ne duhet të flasim me të, nxjerrja e tij jashtë është e kotë dhe nuk e ndihmon atë. Në të vërtetë, kjo e bën atë më të trishtuar: ai duhet të ndihet i rëndësishëm dhe të ndihmohet nga shokët e tij të skuadrës.
Ka probleme të rëndësishme ekonomike, janë këto 17-18 milionë klauzolë që ai duhet t’i paguajë dhe askush nuk dëshiron ta bëjë këtë gjë. Megjithatë, Leao dhe Theo Henandez janë lojtarët që bëjnë diferencën, te kjo skuadër, ata kanë diçka më shumë se të tjerët.”
Discussion about this post