Telashe për një nga premtimet e futbollit holandez. Sipas njoftimeve të shtypit në atë vënd, Mohamed Ihattaren, u arrestua dje në Amsterdam, ku ishte kthyer në ditën e pushimit me rastin e ditëlindjes, i akuzuar për dhunë ndaj ish-të dashurës së tij. Sipas asaj që ka dalë, mëngjesin e sotëm policia ka bastisur edhe shtëpinë e futbollistit 21-vjeçar në pronësi të Juventusit, i parë në fushë për herë të fundit me fanellën e Ajaxit, i cili aktualisht është i ndaluar. Një zëdhënës i policisë së Utrechtit u kufizua duke folur për “një 21-vjeçar të marrë në pyetje dhe në paraburgim” për një incident të paspecifikuar në familje.
Ihattaren, shpërtheu te skuadra e PSV Eindhoven dhe madje u thirr në kombëtaren e madhe kur ishte vëtëm 18. Pasi u konfliktua me trajnerin e PSV Roger Schmidt në vitin 2021 në moshën 19-vjeçare, Mino Raiola e dërgoi atë te klubi i Juventusit duke e bërë të firmosë një kontratë katërvjeçare. I dërguar në huazim te Sampdoria, në mesin e tetorit 2021 ai u largua nga “Blucerchiati” për t’u kthyer në Holandë për “arsye personale”.
Në fund të janarit 2022 ai u huazua te Ajaxi. Me vetëm një paraqitje kalimtare në ekipin e parë: sipas asaj që doli, do të kishin qenë kërcënimet nga qarku kriminal (duke përfshirë zjarrin e makinës së tij me vlerë 177 mijë euro) që penguan Ihattaren nga vihet në dispozicion të “Harkëtarëve”. Klubi më pas vendosi tetorin e kaluar të mos ushtrojë opsionin për të blerë.
I goditur emocionalisht nga vdekja e babait të tij me origjinë marokene në tetor 2019, i marrë nën tutelim nga ish-lojtari i Interit, Wesley Sneijder dhe së fundmi nga familja Nouri, Ihattaren ka qënë i arrestuar nëntorin e kaluar me dyshimin për përfshirje në një histori kërcënimesh në Utrecht. Sipas asaj që raportuan hetuesit, kjo ngjarje nuk ka lidhje me të mëparshmet. Në shtator të vitit të kaluar ai u fejua me yllin e TikTok, Yasmine, e cila kishte postuar një foto të një unaze të dhuruar nga Ihattaren: një muaj e gjysmë më vonë çifti u nda.
Discussion about this post