Zlatan Ibrahimovic njihet për deklaratat dhe veprimet ndonjëherë të tepruara ndaj kundërshtarëve. Seria e fundit ka qenë në ndeshjen e Suedisë me Spanjën, e cila u mbyll me fitoren e këtyre të fundit me rezultatin 1-0 falë golit të Moratas.
Ndërsa kishin kaluar vetëm 2 minuta lojë dhe ishte duke u realizuar një goditje standarde, Ibra bëri sikur u rrëzua duke goditur fort në shpinë mbrojtësin spanjoll Cesar Azpirigueta.
Ky moment i ka shpëtuar VAR-it duke bërë që sulmuesi i Milan t’ia hidhte paq, megjithatë ka pasur tifozë që e kanë parë dhe e kanë filmuar këtë moment, i cili më pas është bërë shumë viral.
Pas ndeshjes sulmuesi është acaruar shumë me rezultatin që e dërgon Kombëtaren e tij në fazën e ‘Play-off’ dhe jo direkt në Katar./K.T/Gijotina.com
Discussion about this post