Chelsea nuk ka të ngopur në merkato. Pavarësisht shpenzimeve rekord gjatë janarit, klubi në pronësi të amerikanit Todd Boelhy duket se po planifikon të shpenzojë përsëri për të përforcuar ekipin.
Tashmë objektiv i kryeqytetasve është marokeni Abde Ezzalzouli, talenti i Barcelonës, i dhënë në huazim te skuadra e Osasunës. Mesfushori i majtë po vëzhgohet në fakt prej disa javësh nga Blutë e Londrës.
Mediat në ishull bëjnë me dije se 2 herë kampionët e Europës do të nisin bisedimet shumë shpejt me katalanasit, ndërsa vlera e 21-vjeçarit në treg është rreth 12 milionë euro.
Gjatë merkatos së vitit të kaluar ndodhën shumë zhvillime në aksin Londër-Barcelonë, ndërsa diçka e tillë pritet të ndodhë përsëri.
Discussion about this post