Trupa e Komisionit të Pavarur të Kualifikimit lexoi gjetjet e procesit të vettingut ndaj gjyqtares së Elbasanit, Enkeleda Kapedani, ku u relatua se nuk janë hasur probleme me pasurinë e saj.
Në rivlerësimin e kriterit të pasurisë Kapedanit iu konstatuan nga trupa gjyqësore probleme për përdorimin e një makine që gjyqtarja tha se e ka deklaruar, blerja e një mjeti tip kamion nga bashkëjetuesi në vlerën e 9.5 milionë lekë dhe shitur 32 mijë euro ishte një nga gjetjet e KPK-së.
Jashtë vëmëndjes në kriterin e rivlerësimit të profesionalizmit nuk u la jashtë vëmendjes as rasti i heqjes së dënimit të Viktor Ymerit, për të cilin gjyqtarja solli prova se nuk ishte ajo që kishte ndryshuar dënimin e përjetshëm, por një trupë e vjetër gjyqësore.
“Në lidhje me çështjen Viktor Ymeri më keni drejtuar tre pyetje. Dua t’ju sqaroj njëherë e mirë, duke qenë se kjo çështje po më përndjek. Nuk është e vërtetë, unë nuk kam liruar asnjë të dënuar të përjetshëm. Këtij shtetasi ja ka ndryshuar dënimin e përjetshëm Gjykata e Apelit të Durrësit që ja ktheu në 25 vjet burgim. Kur këtë çështje tek Enkeleida Kapedani, nga provat që sollën në gjykatë atij i kishin mbetur vetëm 1 muaj e 23 ditë”, sqaroi ajo.
Aktualisht Enkeleda Kapedani nuk e ushtron funksionin e saj pasi është e pezulluar nga detyra dhe me një procedim disiplinor të hapur nga Inspektori i Lartë i Drejtësisë për shkak të publikimit të disa videove në Tik Tok, të cilat u bënë kryefjalë e mediave para disa kohësh.
Videot e publikuara në llogarinë e gjyqatres në rrjete sociale u cilësuan nga ILD-së si sjellje që diskretitojnë figurën e gjyqtarit, ndërsa Kapedani pretendoi se videot ishin publikuar për t’i dëmtuar imazhin dhe kërkoi të gjykohej për punën e saj si gjyqtare. Këshilli i Lartë Gjyqësor vendosi pezullimin e saj nga detyra.
Enkeleda Kapedani përfundoi studimet në Shkollën e Magjistraturës në vitin 2014 dhe pas një periudhe stazhi në Tiranë, u emërua gjyqtare në Gjykatën e Elbasanit, për të dorëzuar përkohësisht detyrën në maj të këtij viti.
Discussion about this post