Ish-kapiteni i arsenalit, Tony Adams, duke folur për gazetën “The Sun” u shpreh se arroganca dhe mungesa e respektit mund t’i kushtojnë Pep Guardiolës ndeshjen kundër Arsenalit dhe titullin kampion.
Sipas ish-futbollistit, nëse Guardiola nuk e respekton këtë kundërshtar në mënyrën e duhur, Bukayo Saka do ta shkatërrojë Manchester City-n e tij.
Adams përfitoi nga rasti për të këshilluar teknikun katalanas për mënyrën se si ndalet Arsenali:
“Nuk e kam idenë se çfarë po përpiqet të bëjë Pep me mbrojtjen e tij këtë sezon. Duket sikur po përpiqet të heqë dorë titullin. Një këshillë kam për të, nëse ndalon Sakanë, ka për të ndalur Arsenalin. Është shumë e thjeshtë”.
Arsenal dhe City ndeshen mbrëmjen e sotme, në “Emirates Stadium” në orën 20:30.
Në rënditje Arsenali kryeson me 51 pikë dhe një ndeshje më pak, i ndjekur nga Manchester City me 48 pikë.
Discussion about this post