Këshilli i Federatës Ndërkombëtare të Futbollit (FIFA) ka miratuar Raportin Vjetor të vitit 2022, sipas të cilit të ardhurat do të rriten nga 7.6 miliardë dollarë gjatë ciklit 2019-2022 në 11 miliardë dollarët në periudhën nga viti 2023 deri në 2026-ën. Kjo do të thotë se do të ketë më shumë para për të shpërndarë për anëtarët e kësaj organizate. Nga kjo gjë do përfitojë dhe Federata Shqiptare e Futbollit.
“Investimi i paprecedentë i FIFA-s në futboll është rezultat i transparencës sonë solide financiare dhe qëndron si një shembull konkret se si ne po synojmë ta bëjmë futbollin global”, deklaroi presidenti i FIFA-s, Gianni Infantino.
“Suksesi i jashtëzakonshëm i Kupës së Botës Katar 2022 tregon aftësinë e organizatës për të përmbushur misionin e saj në lidhje me shoqatat tona anëtare dhe botën e futbollit, pavarësisht sfidave të shumta me të cilat u përballëm gjatë ciklit të kaluar (COVID-19).”
Pas vendimit të marrë nga Këshilli i FIFA-s në dhjetor 2022 për të zgjeruar Kupën e Botës për Klubeve nga 24 në 32 ekipe, me edicionin e parë të tillë që do të zhvillohet në qershor-korrik 2025, Këshilli miratoi njëzëri ndarjen përkatëse granteve.
Në lidhje me Botërorin e Klubeve 2023, që do të luhet në formatin aktual me shtatë klube, Këshilli i FIFA-s vendosi të caktojë Arabinë Saudite si organizator të eventit që parashikohet të luhet në muajin dhjetor. Për më tepër, ky këshill konfirmoi se, në përputhje me traditën, Kanadaja, Meksika dhe SHBA, do të kualifikohen automatikisht për raundin final të Botërorit 2026 si vende organizatore.
Këshilli i FIFA-s përditësoi përgatitjet për Kongresin e 73-të të FIFA-s, i cili do të zhvillohet të enjten, më 16 mars, në Kigali, Ruanda.
Discussion about this post