Ish-Presidenti i Republikës, Ilir Meta është pyetur gjatë konferencës për shtyp në ambientet e partisë së tij nëse do të marrë pjesë në protestën e thirrur nga Partia Demokratike më datë 3 mars, ditë kur pritet edhe vendimi i gjykatës për vulën e PD.
Sipas Metës, në atë ditë, të gjithë shqiptarët duhet të solidarizohen me demokratët dhe demokracinë.
“Çështja e PD nuk është çështje e demokratëve, është e vetë demokracisë. Çështje e pluralizmit politik, është çështje e shpartallimit të grushtit të shtetit, proces i nisur shumë herët, përmes Rama-forma, drejtësia e Surrelit që urdhëron kancelarin e gjykatës, që të mos regjistrojë vendimin e gjykatësit në regjistër.
Kjo është drejtësia e Surrelit. Shqiptarët në 3 mars duhet të japin një mesazh të qartë të gjithë gjykatësve, prokurorëve të mos bëhen bederla të Ramës dhe MC Gonigalëve, këtë e ka përdorur dhe këtu për të takuar prokurorë, gjyqtarë e për të vizituar institucione të drejtësisë gjoja në emër të FBI.
Ndaj në 3 mars jemi në solidaritet të plotë me PD, demokratët anembanë e të sigurt që në 3 mars janë në solidarët dhe socialistët me këmbë në tokë që duan normalitet dhe kërkojnë llogaridhënie.
Ky korrupsion pa asnjë diskutim ka goditur gjithë shoqërinë në gjithë segmentet e saj, ka rritur varfërinë”, u deklaroi Ilir Meta.
Discussion about this post