Në një tjetër shpëtim të mrekullueshëm, ekuipazhet sfiduan shanset dhe nxorën të gjallë një grua 42-vjeçare nga rrënojat e një ndërtese të shembur, 222 orë pasi tërmetet goditën Turqinë jugore javën e kaluar.
Melike Imamoglu u shpëtua në rrethin Onikişubat të provincës Kahramanmaraş, epiqendra e lëkundjeve ku humbën jetën mbi 35 mijë persona dhe mijëra ndërtesa u shembën.
Imamoğlu u dërgua te ekipet mjekësore pas operacionit të shpëtimit.
Më 6 shkurt, tërmetet me magnitudë 7.7 dhe 7.6 ballë brenda 10 orëve goditën Turqinë jugore dhe vende të tjera të rajonit, përfshirë Sirinë.
Discussion about this post