Deputeti demokrat Flamur Noka deklaroi në Komisionin e Etikës ku po shqyrtohet kërkesa e PS për përjashtimin e disa deputetëve demokrat nga seanca plenare se në “Parlament ka vdekur fjala e lirë”.
“Sot mundoheni të tregoni që kjo është monizëm, luftë për të asgjësuar opozitën, është PS, ja ku e ke me video me zë dhe me figurë e ke për të kërkuar të drejtën e fjalës pra kjo është, ne po kërkojmë të na jepet fjala që dhe jo ne të na ndërpritet fjala dhe ju jeni deputetë si dhe unë dhe e keni ndjek që sa herë merret fjala ndërpritet. Ata që më kanë votuar kërkuan që unë të flas, nëse do të na mbyllni gojën duke na shpallur armik, tani do të na përzini nga parlamenti, ne kemi një detyrë të përçojmë zërin e opozitës dhe të mbrojmë fjalën e lirë, se demokraci pa liri nuk ka.
Ajo është skllavëri se ai shefi juaj komandon me telefon kryetaren tuaj. Ne jemi gati të pranojmë gjithçka por opozitarizmin do ta mbrojmë me çdo kusht. Në këtë parlament fjala e lirë ka vdekur nëse ju mendoni që duke na përjashtuat, deri javën tjetër do ti përjashtoni të gjithë po e keni gabim se nuk jeni në lartësinë e votës së qytetarëve të këtij vendi. Ju jeni përfaqësues të një sulltani por parlamenti do të jetë me deputetë që pavarësisht dëshirës së sulltan Surrelit. Nëse më thoni ligjin që kemi thyer si deputetë e pranoj. Pastaj si shpjegohet gjithë ky mllef, kur Rama na thoshte si gjiriz ju duartrokisnit.
Sali Berisha tha një që është reale. Video me orgjira që janë reale, çfarë bëri që dihet parlamenti të marrë masa. E keni gabim se revolucioni demokratik po troket, ju duket shaka po kështu do filloj, jeni regjim i kalbur vetëm demokraci kjo nuk është. Ligjin dhe Kushtetutën e njoh më mirë se ju, etikën e kam respektuar dhe nuk kam fyer, nuk e zgjidhni me mashtrime. Po ju vjen fundi po do jepni llogari”, tha Noka.
Discussion about this post