Nesër, e enjte, 16 shkurt, në orën 09:30 me orën belge është caktuar të zhvillohet seanca dëgjimore e Eva Kailit, Mark Tarabellës dhe Antonio Pantzerit.
Mediat greke raportojnë se, është hera e tretë që Eva Kaili del para këshillit paraprak, i cili do të vendosë nëse ajo do të lirohet me kusht apo do të qëndrojë në paraburgim.
Të hënën e kaluar u bë e ditur se në Belgjikë eurodeputetja do të përfaqësohet nga një avokat i ri, kriminologu Sven Marie dhe jo Andre Rizopoulos, ndërsa në Bruksel nesër, si në të kaluarën, do të jetë avokati tjetër i saj Michalis Dimitrakopoulos.
Për sa i përket eurodeputetit belg Mark Tarabella, ai u arrestua të premten e kaluar, më 10 shkurt, pak ditë pasi i ishte hequr imuniteti dhe u dërgua në burgun Saint-Gilles.
Megjithatë, para organeve të drejtësisë do të jetë edhe ish-deputeti italian, Antonio Panzeri, i cili u arrestua më 9 dhjetor dhe thuhet se është truri i një grupi të lidhur me çështjen e korrupsionit në Parlamentin Europian. Më 17 janar u njoftua nga prokuroria e Brukselit se Antonio Panzeri nënshkroi një memorandum pendimi dhe bashkëpunimi me autoritetet belge.
Discussion about this post