Conference League rikthehet sonte me sfidat e raundit të 1/16-ve. Kompeticioni më i ri europian hyn në momentin vendimtar me disa sfida delikate. Ekipet italiane, Fiorentina dhe Lazio do të luajnë sfidat e para me eleminim direkt, me synimin për të mbajtur këtë trofe në Itali.
Megjithatë asgjë nuk do të jetë e lehtë. Fiorentina do të ndeshet me portugezët e Sporting Bragës. Ekipi iberik po kalon një formë mjaft të mirë, në kampionat ndodhet në pozitën e tretë pas Benficës dhe Portos dhe kompeticionin e Conference League-s, portugezët e shohin si një mundësi të mirë për të ecur sa më shumë në Europë dhe pse jo të shkojnë deri në fund. Në anën tjetër “La Viola” nuk vjen në momentin e duhur në këtë përballje. Italianët në pesë sfidat e fundit në kampionat nuk njohin fitore. Aktualisht gjenden të 14-ët, shumë larg zonës europiane.
Italiania tjetër, Lazio do të përballet me romunët e Cluj. “Le Aquile” shihen si një ekip favorit për triumfin final. Megjithatë edhe për Sarrin dhe bandën e tij kjo ndeshje nuk vjen në momenin e duhur, pasi nuk po kalojn një moment të mirë në kampionat. Në Serie A, Lazio në tre sfidat e fundit nuk ka fituar asnjë ndeshje. Nga ana tjetër edhe Cluj ndodhet në një moment negativ. Me 2 disfatat e fundit të pësuara në kampionat, ekipi rumun lëshoi kreun dhe zbrit në vendin e dytë. Favorit në këtë përballje shihet ekipi i Elseid Hysaj, pasi Lazio kuotohet si një nga klubet për ti shkuar deri në fund kompeticionit të Cnference League.
Sonte do të zbresin në aksion gjithashtu dhe Qarabag Agdam kundër belgëve të Gent. Skuadra azerbraxhanse vjen me besim të lartë në këtë sfidë, pasi në katër ndeshjet e fundit janë të pamposhtur dhe në kampionat 5 pikë para vendit të dytë. Në anën tjetër Gent në tre sfidat e fundit në kampionat nuk njeh triumfin dhe në këtë moment ndodhet në vendin e pestë. Kjo sfidë pritet me interes të madh edhe në Shqipëri, pasi në këtë ndeshje, pritet të bëjë debutimin në arenën europiane ish-sulmuesi i Tiranës, Redon Xhixha.
Discussion about this post