Kuvendi, Felaj përjashton një tjetër deputet

Zëvendës kryetarja e Kuvendit, Ermonela Felaj, e cila drejtonte seancën e së enjtes, ka ndëshkuar një tjetër deputet të opozitës.

Bëhet fjalë për demokratin Edmond Spaho, të cilin e ka përjashtuar nga kuvendi pasi i kishte hequr të drejtën e fjalës.

Disa minuta më parë pati një diskutim mes Spahos dhe Felajt në lidhje me paralajmërimet që zv. kryetarja e kuvendit i kishte deputetit:

Ermonela Felaj: Zoti Spaho iu heq të drejtën e fjaklës gjatë kësaj seance plenare. Nuk keni më të drejtë as për replikë as për procedurë e madje do kujdesem tua jap këtë masë sa herë ju të vijoni do përsërisni të njëjtin veprim.

Kam ndërprerë seancën disa herë e ju vazhdoni të cenoni rëndë rregullin e kësaj seance.

Kujtojmë që ditën e mërkurë, 15 shkurt, Komisioni i Etikës vendosi përjashtimin për 10 ditë nga seancat plenare për kryedemokratin Sali Berisha dhe deputetin Flamur Noka.

Ndërsa për Belind Këlliçin dhe Edi Palokën është marrë vendimi të përjashtohen vetëm me pesë ditë.

Ndërsa të përjashtuar edhe këtë të enjte janë gjithashtu deputetët demokratë: Luçiano Boçi, Ina Zhupa, Albana Vokshi, Luan Baçi, Tritan Shehu, Ervin Salianji, Gazment Bardhi dhe Bledion Nallbati.