Rreth 1.1 milionë njerëz mbërritën në Gjermani nga Ukraina në vitin 2022, duke tejkaluar fluksin e emigrantëve nga Lindja e Mesme rreth vitit 2015, tha të enjten Zyra Federale e Statistikave të Gjermanisë.
Mediat e huaja raportojnë se, dy të tretat e emigrantëve nga Ukraina mbërritën në tre muajt e parë pas pushtimit rus të Ukrainës, midis marsit dhe majit të vitit të kaluar.
Të dhënat vijnë disa ditë para përvjetorit të një viti të pushtimit më 24 shkurt, i cili çoi në zhvendosjen e miliona ukrainasve.
Duke përjashtuar ata që u kthyen në Ukrainë, imigracioni nga Ukraina në Gjermani arriti në 962 000 në vitin 2022, më shumë se gjithsej 834 000 që erdhën nga Siria, Afganistani dhe Iraku së bashku midis 2014 dhe 2016.
Kjo i bëri qytetarët ukrainas popullsinë e dytë më të madhe të huaj në Gjermani pas shtetasve turq deri në tetor 2022.
Discussion about this post