Tërmeti, vetëm në Turqi shifrat që tani janë tronditëse

Shifra të frikshme në lidhje me tërmetin  që goditi Turqinë para 11 ditësh, me numrin e viktimave që pritet të ritet. Deri tani, të paktën 36,187 njerëz figurojnë të vrarë dhe mbi 108,000 të plagosur nga dy tërmetet e forta që goditën jugun e vëndit, tha të enjten agjencia turke e fatkeqësive në shifrat e fundit nga fatkeqësia natyrore.

Tërmetet e 6 shkurtit me magnitudë 7.7 dhe 7.6, me qendër në provincën Kahramanmaras, prekën më shumë se 13 milionë njerëz në 11 provinca, përfshirë: Adana, Adiyaman, Diyarbakir, Gaziantep, Hatay, Kilis, Malatya, Osmaniye, Sanliurfa dhe Elazig, njofton Anadolu. Disa vende të rajonit, përfshirë Sirinë dhe Libanin, gjithashtu ndjenë lëkundjet e forta që goditën Turqinë në më pak se 10 orë. Më shumë se 253,000 personel kërkimi dhe shpëtimi po punojnë aktualisht në terren, tha në një deklaratë Presidenca Turke e Menaxhimit të Fatkeqësive dhe Emergjencave (AFAD).

Të paktën 216,347 persona janë evakuuar nga rajonet e goditura nga tërmeti deri më tani, shtoi AFAD. Ngushëllimet kanë ardhur nga e gjithë bota duke shprehur solidaritet me Turqinë, me shumë vende që dërgojnë ekipe shpëtimi dhe ndihmë. Ministria e Jashtme turke të enjten tha se gjithsej 7,098 vetë, personel i huaj nga 74 shtet, po vazhdojnë aktualisht përpjekjet e tyre në terren.

Mbështetje psikosociale iu ofrua gjithsej 422,844 personave, duke përfshirë 332,049 në zonën e tërmetit dhe 90,795 jashtë saj. Përveç ekipeve të shpëtimit, 3,2 milionë batanije, 283,410 tenda, ushqime dhe ekipe të mbështetjes psikologjike u dërguan gjithashtu në zonat e prekura, së bashku me mbi 12,500 automjete, duke përfshirë ekskavatorë, traktorë dhe buldozerë. Më shumë se 2.6 milionë batanije dhe 48,271 njësi kontejnerë strehimi janë dërguar në 10 provincat më të goditura, tha AFAD.

Pas tërmetit fillestar, një urë ajrore u krijua nga Forcat e Armatosura Turke për të ofruar furnizime ndihme dhe ekipe kërkimi-shpëtimi në rajon. Një flotë e madhe avionësh, duke përfshirë A-400M, transportoi ekipe kërkimi-shpëtimi dhe automjete në rajon. Urën ajrore përdorin edhe avionët e ambulancës.

Personeli dhe materialet e shpëtimit dhe ndihmës u dërguan në rajon me 121 helikopterë dhe 75 avionë, tha AFAD. Gjithsej 26 anije u caktuan gjithashtu në rajon për personelin e anijeve dhe furnizimet me ndihma dhe për evakuimin e njerëzve.