Lëvizja për Zhvillim Kombëtar dhe Bindja Demokratike kanë zyrtarizuar sot marrëveshjen e bashkëpunimit për zgjedhjet lokale të 14 majit.
Krerët e këtyre dy partive, Dashamir Shehi dhe Astrit Patozi paralajmëruan se nëse opozita do të dalë me 2, 3 apo më shumë kandidatë, edhe grupimi i tyre do të nxjerri në kandidat për zgjedhjet lokale.
Dashamir Shehu kreu i LZHK-së u shpreh se dëshira është që opozita të dalë me një kandidat kundër Edi Ramës, po nëse PD nuk do të bashkohet ato do të kenë kandidatin e tyre.
“Ne jemi të hapur për parti të reja. Besojmë se do jetë fillimi i një lëvizje që do të vijë duke u zgjeruar. Njerëzit kanë të drejtë që të mendojnë ndryshe dhe mbase këtu do të shohin një shpresë dhe një frymë tjetër. Dëshira jonë është që të dilet me një kandidat.
Ne jemi munduar që të gjejmë një formula bashkëpunimi. Dëshira të largojmë Edi Ramën dhe të kemi një kandidat për ballë kandidatit socialist. Ne s’kemi një pikë përfundimtare. Ne nuk mund të pranojmë më që dy njerëz të drejtojnë Shqipërinë. Nuk pranojmë më marrëveshjen e 2008 mes Berishës dhe Ramës.
Ka ardhur dita që Shqipëria të qeveriste ndryshe. Nëse ato nuk bashkohen, ne do kemi kandidatët tonë. Në nuk hyjmë në fushatë të dëmtojmë njeri. Jemi në atë pikë që nëse opozita dërgon 2 ose 3 ne do futemi në garë.” u shpreh Shehu.
“Me zotin Berisha dhe zotin Meta na ndan një humnerë e gjerë. Unë kam pasur të shkuarën time në PD, por kjo nuk do të thotë asgjë, sepse politika është dinamike. Unë shoh se ka ardhur PD në idetë tona dhe nuk kemi shkuar ne tek PD”, tha ndër të tjera Patozi.
Discussion about this post