PS kërkon përjashtimin edhe për 6 deputetë të PD-së

PS kërkon përjashtimin me 10 ditë të pesë deputetëve të PD nga Kuvendi dhe komisionet, ndërsa kërkon ‘ndëshkim’ dyfish për Edmond Spahon

Grupi Parlamentar i Partisë Socialiste i është drejtuar me një kërkesë kryetares së Kuvendit Lindita Nikolla lidhur me bllokimin e seancës plenare të datës 16.02.2023 ku deputetë të opozitës bllokuan mbarëvajtjen e seancës plenare.

Në shkresë kërkohet marrja e masës disiplinore, për deputetët Edmond Spaho, Elda Hoti, Sorina Koti, Oerd Bylykbashi, Lindita Metaliaj dhe Gerta Bardeli, me arsyetimin se penguan zhvillimin e seancës dhe krijuan kaos në Kuvend.

Me këtë valë përjashtimesh që ka nisur mazhoranca, nuk dihet nëse deri më 2 Mars, kur është planifikuar edhe të mbahet edhe debati në Kuvend për skandalin McGonigal-Rama, do të ketë ndonjë deputet të opozitës në sallë.