Pronari i Chelsea-t Todd Boehly ka investuar 600 milionë paund për skuadrën e tij në dy dritaret e tij të para të transferimit, por trajneri Graham Potter ka vetëm nëntë fitore nga 25 ndeshje që nga emërimi i tij në shtator.
Me vetëm pesë gola në 10 ndeshje në vitin 2023, Chelsea po vuan në mesin e tabelës në Premier League, pasi ka dale jashtë nga FA Cup pas një disfate 4-0 ndaj Manchester City.
Ata janë mundur gjithashtu 1-0 në ndeshjen e parë të 1/8 të Champions League me Borussia Dortmundin me eliminimin që duket shumë pranë.
Pavarësisht kësaj, Boehly dhe Clearlake Capital synojnë të qëndrojnë me anglezin Potter nën presion, duke parë si shembull rivalët londinezë të Arsenalit.
Prezantuesi i talkSPORT, Jim White shpjegoi: “Kjo është ajo që ne dimë për Potter dhe Chelsea. E kuptoj që klubi mendon se ka rrethana lehtësuese. Ata kanë pasur 12 lojtarë të dëmtuar, tetë startues të rinj dhe vetë Potter nuk ka pasur para-sezon. Ata shikojnë modelin Mikel Arteta dhe sesi Arsenali ka korrur shpërblime duke i dhënë kohë. Graham Potter, në sytë e hierarkisë, është krijues, i zhytur në mendime dhe është trajneri i duhur për rindërtimin e Chelseat. Një ndryshim tani në pankinën ‘blu’, kuptohet, do të ishte një hap prapa dhe jo një përpara për klubin.”
Gjithsesi, nga sa duket nga jashtë, Chelsea së shpejti mund të jetë jashtë të gjitha kupat dhe gara e katër më të mirëve në Premier League.
Discussion about this post