Ish-konkurrenti i “Për’puthen 2” Mevlan Shabani, jo shumë ditë më parë ka publikuar një version të ri të këngës që krijoi për konkurrenten Ledjana Prenga brenda emisionit, të cilën e titulloi “Bota ime”.
Kur kjo këngë u paraqit për herë të parë në program, u prit shumë mirë saqë publiku i kërkoi Mevlanit për të nxjerrë këngën e plotë, dëshirë e cila u realizua.
Por më pas ish-konkurrenti, e fshiu versionin që krijoi për Ledjanën nga YouTube, duke zëvendësuar emrin e saj, me fjalët “Bota ime”.
Kjo gjë sigurisht nuk është pëlqyer aspak nga ndjekësit, duke refuzuar kështu ndryshimin e bërë në këngë dhe duke komentuar emrin e Ledjanës nëpër komente.
Videoklipi është shumë romantik dhe pranë një vajze brune, ndërsa tekstin e ka shkruar vet Shaba, kurse për muzikën është përkujdesur Petro Xhori.
Rikujtojmë se Mevlani ka qenë i ftuar në emisionin “Breaking” dhe u pyet në lidhje me një përballje me Ledjanen dhe ai u shpreh se është i hapur për çdo përballje, pasi është i pastër dhe nuk ka asgjë që e pengon.
Discussion about this post