Ferrari, Leclerc “ja punon” fansave të skuderisë

Piloti nga Monako Charles Leclerc shihet si piloti që do t’i sjellë titullin kampion Ferrarit në Formula 1.

Gjithsesi piloti duket se nuk është i fokusuar te rinovimi i kontratës me skuadrën italiane, duke i “shtangur” në një farë mënyre fansat e “Kokëkuqes”.

“Tani e rëndësishme është gara. Rinovimi i kontratës nuk është në qendër të mendimeve të mija, ndoshta se janë dhe dy vite të mbetura. Ka akoma shumë kohë për ta diskutuar këtë”, ishin fjalët e 25-vjeçarit.