Gjykata e Lartë ka rrëzuar kërkesën e ish-ministrit të mjedisit, Lefter Koka për lirimin nga burgu për aferën e inceneratorit të Fierit.
Koka ka kërkuar disa herë ndryshimin e masës së sigurisë, nga arrest me burg në arrest shtëpie.
Ai e kishte kërkesë, me argumentin se nuk është në gjendje të mirë shëndetësore.
Afera
Ai u akuza se ka gënjyer këshillin e ministrave duke nënshkruar se ngritja e inceneratorit nuk do të kishte impakt mbi buxhetin e shtetit.
Këtë deklarim ai e ka paraqitur edhe pranë Këshillit të Ministrave gjatë procedurës së miratimit të VKM për Dhënien e Bonusit prej 8% të pikëve shoqërisë “Integrated Energy BV”, e cila ishte përzgjedhur pa organizuar një garë ndërkombëtare me investitorë të huaj, sikurse kërkohej.
Për të gjitha këto veprime, Monika Kryemadhi dërgoi në SPAK dosjen ku kërkoi dënimin e tij për shpërdorim detyre.
Nga ana tjetër, ish-ministri i ka mohuar vazhdimisht akuzat ndaj tij duke theksuar se bëhen për qëllime të pastra politike. Lefter Koka e ka mbrojtur projektin e inceneratorëve si një domosdoshmëri, pasi Durrësi, Tirana, Elbasani dhe Fieri ishin në “emergjencë mjedisore”.
Discussion about this post