Një aksident fatal i ka ndodhur një 33-vjeçari shqiptar në Itali. Ngjarja tragjike ndodhi në Kozenca. I riu shqiptar ka humbur kontrollin e makinës dhe u përplas me një pemë.
Impakti ka qenë fatal për të riun i cili ka ndërruar jetë pavarësisht se në ndihmë të tij shkoi dhe një helikopter me ekip mjekësor.
Sipas asaj që shkruajnë mediat, 33-vjeçari kishte kohë që jetonte në Itali dhe ishte i integruar në komunitet. Ai punonte në një firmë vendase. Identiteti i shqiptarit nuk është bërë i ditur në mediat italiane.
Discussion about this post