Ambasadorja amerikane Yuri Kim ka deklaruar se e gjithë bota e di atë që ka ndodhur në Ukrainë, nga lufta e Rusisë dhe padrejtësitë e kryera ndaj këtij kombi.
Në një deklaratë në aktivitetin e organizuar në Tiranë për një vjetorin e nisjes së luftës së Rusisë në Ukrainë, ambasadorja amerikane tha:
“Ne qendrojmë me popullin e Ukrainës sikurse liria e sovraniteti i kombeve s’duhet të ketë dyshim që ne do jemi me popullin e Ukrainës e do qëndrojmë sa kohë të nevojitet.
Presidenti Biden i kujtoi botës që Putin e kishte tërësisht gabim përpjekjen për të imponuar vullnetin e tij kundër Ukrainës. Ai gjeti kombin më të fortë.
Putin mendonte se Perëndimi ishte i përçarë, e kishte gabim. Perëndimi është bashkuar si kurrë më parë.
Nuk është vetëm Shqipëria që qendron me Ukrainën por dhe SHBA, e gjithë bota mbarë.
Bota e di dhe e kemi parë, nuk do harrojmë vendet në Ukrainë, vrasjet në masë, e do sigurohemi që të sjellim liri dhe drejtësi”.
Discussion about this post