Në Republikën e Maqedonisë së Veriut partia Lidhja Socialdemokrate e Maqedonisë (LSDM) ka dalë me një komunikatë për media ku paralajmëroi se lideri i VMRO-DPMNE, Hristijan Mickoski ka kapitulluar me paralajmërimet e tij për zgjedhje të parakohshme në muajin maj. Sipas socialdemokratëve, Mickoski sa herë parashikon apo shpall për diçka, ndodh totalisht e kundërta.
“Hristijan Mickoski kapitulloi me paralajmërimet e tij për zgjedhje të parakohshme parlamentare në maj, pasi siç tha ai, Kuvendi do të shpërndahej në shkurt.
Sa herë që Mickoski shpall apo parashikon diçka, ndodh pikërisht e kundërta.
Shkurti po kalon dhe jo vetëm nuk ka mazhorancë të re, jo vetëm nuk ka shpërndarje të Kuvendit, por është shtuar dhe forcuar shumica parlamentare.
Është e sigurt se zgjedhjet parlamentare do të mbahen në vitin 2024 dhe në ato zgjedhje do të mposhtet sërish Mickoski, pengu i Dimitar Apasievit sepse vazhdimisht i gënjen qytetarët”, thuhet në njoftimin e LSDM-së.
Discussion about this post