Kandidati i PD-së, takime me emigrantët: Të ringjallim shpresën

Kandidati  i Partisë Demokratike për Bashkinë e Bulqizës Defrim Fiku ka zhvilluar disa takime me emigrantë nga Bulqiza në Londër.

Gjatë këtyre takimeve ai ka shprehur gatishmërinë e tij dhe përkushtimin për një angazhim maksimal për ta bërë Bulqizën dhe fshatrat e saj, më të mirë e të begatë.

“Si garues i zgjedhjeve të 14 majit,ndjej peshën dhe ndjenjën e sakrificës , për ta bërë Bulqizën dhe fshatrat e saj, më të mirë e të begatë. Të ringjall shpresën, se ky vend bëhet dhe mund të jetohet më mirë .

Bulqiza dhe fshatrat e saj janë vendlindja ime dhe Juaja, prandaj detyrimi im qytetarë është të takoj secilin nga Ju, pasi askush më mirë se Ju nuk e di se në çfarë gjendjeje ka shkuar Shqipëria, Bulqiza dhe fshatrat e saj nën qeverisjen mizerabël, të korruptuar dhe klienteliste të PS-së, Rilindjes dhe Edi Ramës.

Bulqizën, fshatrat e saj dhe Shqipërinë një vend të jetueshëm duhet ta bëjmë ne!

Emigrantët mbeten një vlerë, një shembull i njohur i emancipimit të shoqërisë “ tha ndër të tjera  kandidati demokrat.