Biznesmenia Majlinda Hido, motra e oligarkes Vilma Nushi, fiton çdo tender ku merr pjesë, fal lidhjeve të forta me qeverinë. Çdo tender i saj është nënshkruar në shkelje dhe askush nuk ka marrë masa. Vetë Majlinda kujtohet të ngrejë zërin për abuzimet me prokurimet, vetëm në rastin e parë që ajo nuk fiton kontratën. Bëhet fjalë për prokurimin me vlerë 332 milionë lekë, të hapur nga Shtypshkronja e Letrave me Vlerë.
Theksojmë se kjo është shtypshkronja e qeverisë, ku shtypen llojet e biletave të lotarisë, faturave dhe formularëve që kanë të gjitha numër serie dhe që shërbejnë për tu konvertuar në para. Si dhe biletat e transportit rrugor të udhëtarëve, kinemave, teatrove etj; Bëhet shtypshkrimi i pullave fiskale të të gjitha llojeve dhe pullave të tjera me numër serie.
Tenderi do të qëndrojë i hapur deri në 16 mars 2023. Me sa duket fituesi është paracaktuar dhe kriteret janë të hartuara sipas interesave të tij. Ky fitues nuk është motra e Vilmës dhe për këtë me datë 23 shkurt 2023. Hido i nxjerr të palarat tenderit në ankesën e saj në Komisionin e Prokurimeve Publike.
Në ankesë pretendohet se qëllimisht institucioni ka hartuar një tender që paralizon çdo kandidat tjetër, madje edhe kompaninë e saj. Kështu, fituesi do të shpallet nga firma që ka paracaktuar Shtypshkronja e Letrave me Vlerë. Duke marrë për bazë disa nga materialet që do të blihen për këtë tender, ankimuesja shprehet se nga ana e Autoritetit Kontraktor nuk janë përcaktuar qartë specifikimet teknike, përmasat dhe përshkrimi i saktë i materialit. Dhe kjo bën që shumë konkurrentë të tërhiqen se janë të paqartë. Ose të skualifikohen nga Autoriteti sepse nuk kanë kuptuar si duhet detajet për materialet që do të bëhet furnizimi.
Majlinda Hido shprehet në këtë ankesë se Autoriteti Kontraktor kanë vendosur kritere të njëanshme që vetëm një firmë mund t’i plotësojë me përpikmëri.
“Shoqëria jonë gjykon se, është e nevojshme të ndalemi në një interpretim të zgjeruar të dispozitës së Lex Specialis, mbi mënyrën e hartimit të specifikimeve teknike. Nga interpretimi i zgjeruar i dispozitës së mësipërme sipas metodës Lex specialis, autoritetet kontraktor në hartimin e specifikimeve teknike. krahas përshkrimit të saktë të nevojave të këtij të fundit. Duhet të kenë në vëmendje faktin se, hartimi i specifikimeve teknike duhet bërë në një mënyrë gjithëpërfshirëse duke krijuar kushte për konkurrim të paanshëm e të hapur”, thuhet në ankesë.
Më poshtë, ankimuesja shprehet se Shtypshkronja kërkon që konkurruesi t’i dërgojë mostra për secilin produkt. Por nuk është bazuar në atë pikë të ligjit që thotë se konkurrentët duhet të kenë kapacitetin juridik, profesional, financiar dhe teknik për të realizuar projektin. Pasi kjo pikë ka ndryshime, çka përbën automatikisht shkelje të ligjit.
Këto janë shkeljet që ka evidentuar Hido, duke u shprehur se këto pika e pengojnë që të konkurrojnë për marrë kontratën në fjalë.
Në fakt, kjo ankesë dhe e gjithë çështja është kthyer në thikë me dy presa.
Sipas ligjit të prokurimeve është e rëndësishme që përmes specifikimeve teknike, autoriteti kontraktor të mundësojë një konkurrim të drejtë, të hapur. Gjithashtu gjithëpërfshirës, të barabartë dhe jo diskriminues. Qëllimi është që autoriteti kontraktor të mos drejtohet tek një produkt i vetëm i ofruar nga një operator i caktuar .
Por nga ana tjetër ka gjasa që kjo kontratë të përfundojë në duart e Majlinda Hidos, e cila njihet për një mori shkeljesh në tenderë të tjerë. Kështu ndodh zakonisht kur fitojnë motra apo djali i oligarkes Vilma Nushi.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post