Ditën e sotme biznesmeni Mirel Mërtiri i ka bërë thirrje bankave në vend se të dhënat e tij konfidenciale që mund të kenë nuk mund të dorëzohen në asnjë mënyrë në duart e Komisionit Hetimor që është ngritur me kërkesën e Opozitës për mbetjet urbane. Në një shkresë zyrtare, Mërtizi shprhet se, sipas Gjykatës Kushtetuese, marrja e informacioneve apo të dhënave në lidhje me çështje private të individëve përbën një shkelje të të drejtave kushtetuese të individit, të sanksionuara edhe nga Konventa Europiane për të Drejtat e Njeriut. Në lidhje më këtë çështje ka reaguar sot Belind Këlliçi, i cili përmes një postimi në rrjetin social Facebook shkruan se, Mërtiri ka frikë se Komisioni do të nxjerrë të palarat e tij, prandaj iu bën presion bankave që të mos japin informacion rreth tij. Këlliçi thotë s,e Mërtiti duhet të dijë që Komisioni Hetimor ka të drejtën e plotë të marrë informacione nga inicionte e përfshira në një çështje të caktuar.
“Bosi i inceneratorëve në panik. I kërkon bankave të mos japin informacion, por Komisioni Hetimor, në zbatim të ligjit, ka akses kudo! Frika që ka kapluar Mirel Mërtirin dhe ortakët e tij në politikë, biznes dhe media, i shtyn drejt absurdit, siç është kërkesa e paligjshme drejtuar bankave për të refuzuar dhënien e informacionit komisionit hetimor për inceneratorët. Por, për fatin e mirë të interesit publik dhe fatkeqësisht për bosët e inceneratorëve, ligji është shumë i qartë në këtë pikë. Komisioni Hetimor, sa i përket hetimeve, gëzon të njëjtat kompetenca që Kodi i Procedurës Penale i njeh organit të prokurorisë, me përjashtim të marrjes së personave si të pandehur dhe ngritjes së akuzës penale (neni 4, pika 2 e ligjit). A mund të mendohet në një shtet të së drejtës që një kompani private, siç janë bankat, të pengojë veprimtarinë hetimore të prokurorisë”, shkruan ai.
Këlliçi i kujton publikisht Mërtirit se, dhënia e informacioneve dhe dokumenteve zyrtare përbën pra, një detyrim ligjor të qartë dhe nuk varet aspak nga vullneti apo dëshira e kujtdo qoftë. E kundërta, do të rrëzonte vete konceptin e komisionit hetimor. Sakaq, mes ironie Këlliçi thotë se nuk dihet çfarë e shqetëson Mërtirin nga një komision hetues. “Ne e kuptojmë hallin e madh që ka zënë Mirel Mërtirin dhe ortakët e tij, por kjo nuk ka pikë rëndësie për interesin publik, avokatët e të cilit jemi mandatuar të jemi. Ajo që ka rëndësi për ne është zbardhja e së vërtetës deri në fund për vjedhjen më të madhe në 31 vite, prandaj i bëjmë thirrje kujtdo që të refuzojë bashkëpunimin me mafien e inceneratorëve dhe t’i bindet ligjit dhe vetëm ligjit. Në rast të kundërt, do të përballet me pasojat e tij”, shkruan ai duke bërë të qartë se Komisioni Hetimor do të vijojë punën e tij. E.H/gijotina.com/
Discussion about this post