Trafiku i makinave, Gjykata e Posaçme kalon për gjykim dosjen

Gjykata e Posaçme ka kaluar për gjykim dosjen e 7 të pandehurëve të akuzuar për trafik të mjeteve motorrike.

Mes të pandehurëve janë edhe 3 punonjes policie Vojsava Doda, Endi Ahmetaj, Ftari Braha.

Drejtuesi i grupit, i cili mendohet se është Selaudin Shahini, duke shfrytëzuar lidhjet familjare dhe shoqërore në Kosovë, kishte krijuar një rrjet personash që trafikonin mjete në vendin tonë. Më pas ishte Ndriçim Shahini, kushëriri i Selaudinit, personi që kujdesej për shitjen e mjeteve.

Në pranga përveç tyre kanë përfunduar edhe: Ervis Cara, (kushëri i Ndricimit); Aurel Shatri (shok i Ervisit); Vojsava Doda (Punonjëse e Policisë – Lidhje e Selaudinit); Endi Ahmetaj (Punonjës i Policisë – Lidhje e Selaudinit) dhe Fatri Braha (Punonjës i Policisë).

Të gjithë ofronin ndihmën në forma e metoda të ndryshme për të bërë transportin e mjeteve të vjedhura nga Kosova për në Shqipëri duke i kaluar nga dogana e Morinës.