Ministri i Jashtëm turk Mevlut Çavusoglu i shprehu homologut grek Nikos Dendias ngushëllimet e tij për aksidentin tragjik hekurudhor në Tempi. Dendias falënderoi Cavusoglu për solidaritetin në këtë moment të vështirë.
”Dendias falënderoi homologun e tij për solidaritetin e tij në këtë moment të vështirë”, tha Ministria e Jashtme greke në Tuitter.
Ngjarja e rëndë ndodhi pak para mesnate në Greqi. Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 38 personave.
Një tren me 350 pasagjerë që po udhëtonte nga Athina drejt Selanikut u përplas me një tren mallrash. Shkak për shpërthimin e zjarrit dyshohet se është bërë prerja e një kabulli elektrik në njërën prej vagonët të trenit me pasagjerë që në momentin e përplasjes ka rezultuar fatal.
Discussion about this post