Mbase s’do ua kishte marrë kurrë mendja që një ligj i tillë mund të ekzistonte, por për të rinjtë e Marokut ky është një realitet.Çiftet e pamartuara që kapen në të njëjtën dhomë hoteli mund të burgosen deri me një vit burg, sipas nenit 490 të kodit penal.
Ligji vlen edhe për turistët, gjë e cila ka bërë dhe penalizimin e këtij sektori në Marok.Hotelet jo vetëm që kanë humbur turistët e huaj për shkak të pandemisë, por janë të detyruar të largojnë klientët, që nuk janë të pajisur me certifikata martesore.
Çdo javë policia kryen kontrolle tek të dhënat e hoteleve për të parë nëse ka shkelje të ligjit, ndaj lidhur me këtë situatë strukturat e hotelerisë kërkojnë legalizimin e marrëdhënieve seksuale para kurorëzimit, gjë e cila aktualisht përbën vepër penale.
Ndërkohë, Emiratet e Bashkuara Arabe kanë dekriminalizuar së fundmi marrëdhëniet seksuale jashtëmartesore, me sauditët që thonë se në hotelet e vendit nuk kërkohen më certifikata martesore.
Discussion about this post