Drejtori i Policisë së Tiranës, Tonin Vocaj deklaroi sot se mbrëmjen e djeshme, është marrë një deklaratë e hollësishme e 40-vjeçarit Ramazan (Dan) Hutra, për ngjarjen e rëndë në kryeqytet, ku vrau tre gra dhe plagosi tre të tjera.
Në një konferencë për mediat, Vocaj u shpreh se për shkak të sekretit hetimor, nuk mund të bënte të ditur përmbajtjen e kësaj deklarate.
Megjithatë, Vocaj nënvizoi se deklarata do t’i paraqitet sot prokurorëve dhe shtoi se autori ka qenë bashkëpunues me policinë.
“Mbrëmë është marrë një deklarim i hollësishëm i gjithë dinamikës së ngjarjes së ndodhur dje. Unë, për shkak të sekretit hetimor nuk mund të bëj të ditur përmbajtjen e këtij deklarimi, që do t’i paraqitet sot prokurorëve, por dua të deklaroj se autori i kësaj ngjarjeje të rëndë dhe të paprecedent, ka qenë bashkëpunues me policinë dhe ka treguar të gjithë dinamikën që kam deklaruar para jush. Duhet të theksoj se dinamika që kam treguar dje, ka qenë e mbështetur në prova të pakudërshtueshme, por autori e ka konfirmuar dhe ka qenë mjaft bashkëpunues me policinë”, theksoi ai.
Discussion about this post