Në Gjykatën e Apelit ka nisur seanca për vendimin e shumëpritur për të ashtuquajturën çështja e vulës së PD-së.
Gjykata e Apelit do të japë sot vendimin mbi vulën e Partisë Demokratike, nëse do të qëndrojë në duart e Enkelejd Alibeajt apo do t’i kalojë Sali Berishës.
Seanca ku ishin të pranishëm të dyja palët ka nisur në orën 11:00, ndërsa raportohet se pranë kësaj gjykate janë shtuar masat e sigurisë.
Përfaqësuesi ligjor i PD, Ivi Kaso ka deklaruar se është dakord me trupin gjykues, por duhet mospranimi i ankimit.
Përfaqësuesi demokrat, Ivi Kaso bëri një kërkesë paraprake.
Sipas tij, gjykata nuk mund të pranojë ankimin e një pale që nuk ka qenë palë në këtë proces.
“Gjykata të konstatojë mospranimin e ankimit, pasi gjykata është investuar nga një palë që nuk legjitimohet.
Sipas nesh, vendimi gjyqësor që e ka lejuar ankuesin, është marrë në kundërshtim të ligjit,” tha Kaso.
Nga ana e tij përfaqësuesi ligjor i grupit të Alibeajt, Indrit Sefa u shpreh kundër kërkesës së Ivi Kasos.
“Nuk duhen bërë këto kërkesa. Nuk është momenti për këto pretendime në këtë fazë. Mendojmë që kjo gjykatë të shqyrtojë të gjitha elementet e saj. 5 ditë para kemi bërë shtesa të ankimit tonë, ku kemi bërë të ditur për ankesat dhe kërkesat”
Discussion about this post