Përfaqësuesi i grupit Alibeaj: Të hënën regjistrohemi në KQZ

Pas përfundimit të gjyqit për vulën e PD përfaqësuesi ligjor i grupit të Enkelejd Alibeajt, Indrit Sefa ka folur për mediat, ku tha se me kthimin e gjykimit në shkallën e parë, vula i takon zotit Alibeaj.

Sefa tha se të hënën do t’i drejtohet KQZ-së për t’u regjistruar në Komisionin Qendror të Zgjedhjeve për zgjedhjet e 14 Majit.

“Sot gjykata vendosi rikthimin e çështjes në gjykatën e shkallës së parë Tiranë me një tjetër trup gjykues, Do të gjykohet nga një tjetër trup gjykues. PD vazhdon të drejtohet nga organet legjitime të saj. Të hënën do regjistrohemi në KQZ”, deklaroi ai.