Foltorja e radhës në Fushë-Krujë nga ish-kryeministri Berisha, ka nisur me ironi ndaj kryedemokratin Basha.
Teksa nuk ka ngurruar të bëjë bilancin e zi të qeverisë dhe opozitës në këto 8 vite, ai tha se foltorja u thirr nga ndërgjegja, ndërsa ironizoi Bashën duke thënë se “Për humbjen e zgjedhjeve, dhashë dorëheqjen, hapa krahun”.
“Foltorja u thirr nga ndërgjegja, nga idealet e demokratëve shqiptarë, ishin në një moment shumë kritik për vendin dhe kombin. Në vitin 1013 u ndërrua pushteti me votën e qytetarëve shqiptarë, u zgjodh një kryeministër tjetër. Unë njoha përgjegjësinë për humbjen e zgjedhjeve dhe dhashë dorëheqjen, hapa krahun për një gjeneratë të re me besimin se kjo gjeneratë do çonte në horizonte të reja opozitën dhe Shqipërinë”, ka thënë ai.
Nga aty, ku nuk ka nguruar të akuzojë qeverinë për situatën në të cilën ndodhet vendi jonë, Berisha ka zbuluar edhe demokratin e parë që ka mbështetur Foltoren. Ai është kreu i PD në Fushë Krujë Agron Loka.
“I dashur kryetari i PD të Fushë Krujës, Agron Loka, të dashur anëtar, nën kryetar e sekretar të degës Krujë e Fushë Krujë.Dua tu shpreh nderimin tim për mbështetjen e jashtëzakonshme për këtë lëvizje e cila në të vërtetë përfaqëson revolucionin paqësor të shqiptarëve në përballjen e tyre të dytë të madhe në këto tre dekada me narko shtetin apo diktaturën. Kryetari juaj, Agron Loka ka qenë më të parët që ka mbështetur këtë nismë, dhe në një bisedë që zhvillova me të në zyrën time mbeta i inkurajuar me lëvizjen që nisëm dhe sot ka pushtuar zemrat e qindra mijërave demokratëve në diasporë”, tha Berisha.
Discussion about this post