Messi nuk tërhiqet nga Argjentina

Lionel Messi kishte menduar tërheqjen nga kombëtarja pas botërorit Katar 2022, por fitimi i Kupës së Botës ia ndryshoi mendjen.

Kapiteni i Argjentinës është gati që të vazhdojë të kontribuojë për përfaqësuesen, të paktën në vitin 2023. Trajneri i bardhekaltërve, Lionel Skaloni, ka rinovuar me federatën argjentinase të futbollit deri në vitin 2026.

Ai do të drejtojë përfaqësuesen në dy kompeticionet të vështira, Copa America 2024 dhe Kupa e Botës 2026.  Tekniku 44 vjeçar ka grumbulluar të 26 futbollistët të cilët u shpallën kampionë në Katar 2022, përfshirë edhe yllin e PSG-së.

Argjentina do të luajë sfidat miqësore kundër Panamasë dhe Kuraçaos.

Mesi deklaroi pas suksesit në Katar se është gati të luajë në kualifikueset e Copa America, e mund të mendojë të jetë në fushë edhe kur të nisë turneu pas 15 muajsh.

Kjo është hera e parë në histori që Argjentina mban titujt e kampiones së botës dhe të kontinetit.

Sulmuesi 34 vjeçar ka luajtur 178 takime me përfaqësuesen argjentinase, ndërsa synimi i tij është që të shkojë në 200 ndeshje më kombëtaren.