Nëntë oficerë sigurie u vranë dhe të paktën 13 të tjerë u plagosën gjatë një sulmi me bombë në Pakistanin jugperëndimor.
Shpërthimi ndodhi në provincën Balochistan kur oficerët po ktheheshin në kryeqytetin e provincës Quetta, pasi po kontrollonin festivalin Sibi, një ngjarje kulturore vjetore.
Sipas policisë, provat fillestare sugjerojnë se ishte një sulm vetëvrasës.
Pamjet tregojnë një kamion policie të përmbysur, me njollat e gjakut që janë përhapur në tokë.
Reuters raporton se sulmuesi përplasi një motoçikletë me kamionin.
Asnjë grup nuk ka marrë përgjegjësinë.
Qeveria e Balochistanit e ka dënuar sulmin dhe ka thënë se një hetim është duke u zhvilluar.
Zona është rrethuar dhe një ekip për asgjësimin e bombave është në vend për të mbledhur prova, thonë autoritetet.
Kryeministri i Balochistanit, Abdul Kuddus Bizenjo tha: “Të gjitha komplotet e tilla kundër paqes në provincë do të jenë të pasuksesshme me mbështetjen e publikut.”
Discussion about this post