Anëtarja e Kryesisë së PD-së, Edith Harxhi ka reaguar ashpër ndaj Lulzim Bashës, pas vendimit të nënshkruar prej tij si kryetar i PD për t’u regjistruar në KQZ në kuadër të zgjedhjeve lokale në 14 maj.
“Ai sot me vendimin për të rregjistruar partinë e tij të mbetur dhe thërmuarr, që e ka vënë më shërbim të Edi Ramës dhe Soros për të nxjerrë jashtë skenës politike partinë e vetme antikomuniste të mbetur në Evropën Lindore dhe Jug- lindore, ka firmosur aktin më të rëndë kundër demokracisë në Shqipëri dhe është përfundimisht tradhëtar i interesave kombëtare”, shkruan Harxhi në Facebook.
Postimi i plotë:
Miq të nderuar, së bashku me një grup anëtarësh të Partisë Demokratike kam që në vitin 2017 që them Lulzim Basha ka qenë kolona e pestë në PD që kur ai u kthye në Shqipëri dhe iu bashkua KOP-it.
Ai sot përfundimisht tregoi se është politikani më i pavlerë, më i pa udhë dhe më i pa fe, në historinë politike të Shqipërisë së 32 viteve të fundit. Nuk krahasohet me asnjë personazh tjetër që nga kohët e vjetra!
Kam dorëzuar në Gjykatën e shkallës së parë Tiranë një padi në 30 qershor 2021 për pavlefshmërinë absolute të zgjedhjeve të 13 qershor 2021 për Kryetar Partie.
Kam kërkuar gjithashtu një shtesë në objektin e padisë në nëntor 2022 për ç’rregjistrimin e Lulzim Bashës nga kryetar i PD-së pasi ai ka kërkuar dorëheqje publike me zë dhe figurë në 25 mars 2022.
Ai sot me vendimin për të rregjistruar partinë e tij të mbetur dhe thërmuarr, që e ka vënë më shërbim të Edi Ramës dhe Soros për të nxjerrë jashtë skenës politike partinë e vetme antikomuniste të mbetur në Evropën Lindore dhe Jug- lindore, ka firmosur aktin më të rëndë kundër demokracisë në Shqipëri dhe është përfundimisht tradhëtar i interesave kombëtare.
Ai duhet përbuzur bashkë me ata syreshë që e ndjekin.
E përsëri PD- ja do të fitojë bindshëm në 14 maj 2023.
Mc Gonigal është fantazma e Ramës dhe Bashës dhe shumë shpejt i merr me vete!
Discussion about this post