Motra e shqiptares Evegjeni Micka, e cila humbi jetën në përplasjen e trenave në Greqi ka deklaruar se fajtorët do e paguajnë shtrenjtë. Komunikimi i fundit që ka pasur Evegjenia me familjen e saj ka qenë pak para përplasjes fatale. Pikërisht atëherë ajo foli për herë të fundit me motrën e saj, ndërsa pak më parë kishte folur edhe me të ëmën, duke i thënë se do të vonohej.
“Për emrin e saj, ata që janë do ta paguajnë shtrenjtë atë që kanë bërë. Kam humbur motrën time kur ajo ishte 22 vjeç dhe ajo u diplomua së fundmi. Çfarëdo që të ndodhë, ata që e bënë këtë krim do ta paguajnë, jo vetëm emrin e motrës sime, por edhe emrat që humbën jetën.
E drejta jonë nuk llogaritet. Motra ime tani është e humbur, kaq shumë të rinj kanë humbur. Motra ime e vogël ishte një vajzë e lumtur. Të tjerat do ta tregojë avokati ynë”, tha motra e të ndjerës Evegjeni.
Si ndodhi ngjarja?
Evegjeni Micka ishte duke u kthyer me të dashurin nga Athina ku kishin shkuar që të hënën. I fejuari i saj ka pësuar djegie të shumta në trup. Ai ka thënë se vajza ishte varur tek ai nga dritarja dhe ai ka bërë thirrje për ndihmë, por askush nuk është përgjigjur. 23-vjeçarja shqiptare ishte pa ndjenja dhe zjarrfikësit thanë se do e nxirrnin jashtë, por ai nuk pa më asgjë. Familja e saj e kërkoi për dy ditë, pasi ajo nuk ishte as në listën e të plagosurve dhe as në listën e të vdekurve. Trupi i saj u identifikua më pas përmes ADN.
Discussion about this post