8 Marsi, Begaj: Gratë janë shtylla që mbajnë në këmbë shoqërinë

Në ditën ndërkombëtare të gruas, presidenti Bajram Begaj ka përcjellë një mesazh urimi për gratë shqiptare.

Ai shprehet se gratë janë shtyllat që mbajnë në këmbë familjen dhe çojnë përpara shoqërinë duke theksuar se nderimi dhe falënderimet për to janë për të gjithë jetën.

“Gratë e mrekullueshme të këtij vendi, janë shtyllat që mbajnë në këmbë familjet dhe çojnë përpara shoqërinë. Nderimi dhe falenderimet për to janë për të gjithë jetën!

Unë dhe Armanda ju përcjellim të gjitha grave shqiptare urimet më të mira në këtë ditë! Gëzuar Ditën tuaj nëna, motra, bija!”, shkruan Begaj.