Roja Bregdetare italiane po ndërhyn për të shpëtuar rreth 1300 persona në varka që po përpiqen të arrijnë në Itali. Alarmi i kuq është dhënë dhe aktualisht 3 varka patrullimi po operojnë rreth 70 milje në jug të Crotones për të shpëtuar një varkë me rreth 500 emigrantë në bord, ndërkohë që 3 anije të tjera patrullimi – po ofrojnë ndihmë për dy varka të tjera me një total prej rreth 800 emigrantësh në bord.
Operacionet vazhdojnë edhe në orët në vijim me përdorimin e një avioni ATR 42, një Nave Corsi dhe një Nave Visalli të Rojës Bregdetare.
Në bordin e peshkarexhës ka një “situatë rreziku serioz”, thotë kreu i misionit të Mediterranea Saving Humans, duke nënvizuar se “ndërmjet orës 9 dhe 10 të mëngjesit të sotëm, avioni Frontex Eagle 1 fluturoi mbi pozicionin e anijes dhe një helikopter i Marinës amerikane nënvizuan të njëjtin rrezik”. Mediterranea kërkon që të nisë menjëherë një operacion shpëtimi.
Ndërkohë që u gjet trupi i një tjetër viktime të mitur të mbytjes së anijes së ngarkuar me emigrantë që ndodhi më 26 shkurt në Steccato di Cutro. Bëhet fjalë për një djalë rreth gjashtë vjeç, i cili ishte shtrirë në breg, ku e kishte sjellë deti. Trupi i pajetë është gjetur nga disa qytetarë, të cilët lajmëruan rojet bregdetare. I mituri u bë viktima e 73-të e konfirmuar e mbytjes së anijes.
Discussion about this post