Dy vëllezër shqiptar kanë përfunduar në pranga. Karabinierët e Monzas sekuestruan 16 kg kokainë, 800 gramë hashash dhe arrestuan dy vëllezër me origjinë shqiptare (përkatësisht 43 dhe 47 vjeç), që dyshohet se ishin mbajtësit dhe kujdestarët e drogës.
Operacioni nisi në orët e para të mëngjesit kur policia, duke monitoruar lëvizjet e të dyshuarve përmes kamerave, inkuadroi njërin nga dy vëllezërit që po dilte nga shtëpia me një çantë shpine të madhe.
Droga ishte fshehur në një kasolle në tokën bujqësore të Famullisë. Kjo u shfaq menjëherë e dyshimtë për policinë, duke pasur parasysh se burri nuk kishte asnjë lidhje me asnjë nismë të Komunitetit të Famullisë. Pas ndërhyrjes policia gjeti 7 kg kokainë, 542 gram hashash dhe 21 400 euro.
Të nesërmen, i dyshuari, i cili u kthye në vendngjarje dhe kuptoi se ishte zbuluar, vendosi të arratisej me nxitim duke marrë fluturimin e parë me një drejtim për në Shqipëri.
Mirëpo, karabinierët arritën ta gjurmojnë në aeroportin e Malpensës, ku ai kishte kaluar check-in-in dhe tashmë ndodhej në bordin e avionit në pistë. Ai u shoqërua dhe u transferua në burgun e Busto Arsizio. Operacionet kanë vijuar me kontrollin në shtëpi të të arrestuarit, duke bërë të mundur gjetjen e 280 g të tjera hashash të fshehura në bodrum.
Vlerësohet se sasia e sekuestruar, ndoshta e destinuar për sheshet e trafikut të drogës në Monza della Brianza, pasi të dilte në treg, do të kishte faturuar mbi 1.5 milionë euro.
Discussion about this post