Familja Vasiu në Fier ka hapur dyert e mortit, pasi djali i tyre 8-vjeçar, u rrëmbye dhe u vra në mënyrë makabre nga monstra Klodian Çalamani.
Ngjarja në fjalë trondit të gjithë opinioni publik, ku nëpër rrjetet sociale qarkullon dhe ideja e dënimit me vdekje për autorin, por që kryeministri Rama e mohoi duke thënë se nuk ishte zgjidhje.
Familja e të ndjerit është në zi që prej natës së djeshme, ku jashtë portës së shtëpisë shihet biçikleta që lëvizte Mateo i vogël, ndërsa nuk mungojnë banorët që shkojnë për ngushëllime.
Krimi horror që tronditi Fierin dhe të gjithë Shqipërinë, ndodhi ditën e djeshme në fshatin Grecalli të Fierit. Klodian Çalamani, 38-vjeçari kishte rrëmbyer e më pas vrarë e groposur në oborrin e banesës së tij, fqinjin e tij vetëm 8 vjeç, Mateo Vllasiu. Ai u arrestua nga policia, ndërsa aktualisht ndodhet prapa hekurave.
Discussion about this post