Të shtënat në Tiranë, vritet kamarierja e një lokali

Ngjarja e rëndë ndodhi në zonën e Don Boskos në Tiranë. Paraprakisht nga të shtënat raportohet se ka mbetur e vrarë kamerierja e lokalit. Të paktën 5 persona dyshohet se kanë mbetur të plagosur, mes tyre edhe një fëmijë.

Të dhënat janë ende paraprake ndaj dhe numri i të plagosurve mund të ndryshojë. Si shkaqet ashtu sikurse rrethanat e kësaj ngjarjeje të rëndë nuk dihen ende.

Kamerierja dyshohet se ka mbetur viktimë aksidentalisht nga të shtënat.

Lokali në fjalë raportohet se është në pronësi të Fatjon Muratit, një personazh i njohur i botës së krimit.