Kryetari i Partisë Demokratike, Lulzim Basha ka njoftuar mbledhjen me kryetarët e 71 degëve të PD, në një takim që pritet të mbahet ditën e sotme në orën 16:00.Kolegji i kryetarëve pritet të ketë në focus të diskutimeve organizimin e Kuvendit Kombëtar të PD në 18 dhjetor. Kjo është data që u vendos me 2/3 e votave të kryesisë së PD, me propozim të kreut të partisë, Lulzim Basha,pas refuzimit të mbështetësve të zotit Berisha për të verifikuar sipas statutit firmat e mbledhura prej tyre për thirrjen e Kuvendit.
Paralelisht teksa Basha shfaqet i vendosur në qëndrimin e tij për mbajtjen e Kuvendit në 18 dhjetor, paraardhësi i tij, Sali Berisha vijon të insitojë që Kuvendi do të mbahet në 11 dhjetor, pasi ky i fundit pretendon se ka grumbulluar votat e nevojshme të delegatëve, ndonëse ato nuk janë konfirmuar.
Basha nuk i ka njohur firmat e pretenduara nga Berisha si të delegatëve të partisë, ndaj i ka cilësuar si “struktura paralele”. Motoja e Bashës për 18 dhjetorin është: “1 Parti, 1 Kuvend”.
Discussion about this post