Anëtarët e KAS janë mbledhur për të shqyrtuar dy kërkesat e Foltores dhe PD zyrtare, të cilat kërkojnë regjistrimin për zgjedhjet lokale të 14 Majit. Megjithatë, sot nuk pritet që të ketë një vendim se cila prej dy PD-ve do të regjistrohet.
KQZ, po analizon të gjitha kërkesat që janë depozituar nga të dyja grupimet. Ajo që pritet sot është një datë se kur do të merret vendimi nga ana e KAS sa i përket regjistrimit të PD në zgjedhjet e 14 Majit.
Ditën e sotme, KAS është duke analizuar të gjitha kriteret ligjore të të dyja kërkesave se cila nga grupimet përmbush ligjit për t’u regjistruar. Dje u caktuan edhe relatorët që do të shqyrtojnë kërkesat e dy grupimeve.
Ilir Rusmali do të gjykojë ankimin e Berishës.
Vota e ish ministrit të Drejtësisë është përcaktuese për fatin e ish shefit të tij, por edhe të Bashës gjithashtu.
Edhe PD-ja e cila figuron ende me kryetar, Lulzim Bashën, ndoneseë ka dhënë dorëheqje, kërkoi nga KAS që demokratët të regjistrohen vetëm me firmën e Alibeajt, duke e hequr çështjen nga duart e Celibashit i cili kërkoi firmën e Bashës.
Kërkesa e Alibeajt ka për relator Koli Belen.
Vendimi për ta regjistruar ose jo PD-në pa firmën e Bashës, duhet mbështetur me të paktën 3 vota në KAS.
Discussion about this post